Henley & Partners болон New World Wealth судалгааны компаниудын хамтран гаргасан чансаагаар дэлхийн хамгийн баян 10 хотын нэрс тодорхой боллоо.

Жагсаалтын эхэнд  340 мянган саятан амьдардаг Нью-Йорк бичигдлээ. Америкийн бусад хотууд Сан-Франциско (285 мянган саятантай), Лос-Анжелес (205,4 мянган саятан) гурав болон зургаад нэрлэгдлээ.

Арван жилийн өмнөх чансааг тэргүүлж байсан Токио энэ удаа хоёрдугаарт бичигдэн 290,3 мянган саятантай болжээ.

Лондон хот жагсаалтын гуравт 258 мянган саятнаа бүртгүүлжээ. Сингапур (240,1 мянга) дөрөвт, тавд өмнөх жилийн аравдугаар байрнаас урагшилсан  Сидней (126,9 мянган саятантай) орж ирэв. Сидней хотод дэлхийн хамгийн үнэтэй дагуул хот бий. Тэнд баячууд олноор сууршиж байна.

Долоо, найм, есдүгээр байрыг Хятадын хотууд болох Хонконг (129,5 мянга), Бээжин (128,2 мянга), Шанхай (127,2 мянга) тус тус эзлэв. Бээжин, Шанхай хоёр эхний аравт  сүүлийн арван жил орж ирсэн бол Хонконг дөрөвт байснаа долоо хүртэл  ухарчээ.