​

• Энэ нь тус мужид сүүлийн 10 жилд болоогүй хүчтэй газар хөдлөлт гэв
• Газар хөдлөлтийн чичирхийлэл Бээжин, Тяньжин хотуудад мэдрэгджээ
• Улмаар Бээжин-Шанхай чиглэлийн өндөр хурдны галт тэрэгний зорчих хөдөлгөөн түр саатав

Өчигдөр Хятадын зүүн хэсэгт орших Шаньдун мужийн Пинюань дүүрэгт 5.5 магнитудын хүчтэй газар хөдлөлт болж, 24 хүн бэртсэн байна.

Хятадын газар хөдлөлтийн төв сүлжээний газраас мэдээлснээр тус мужид сүүлийн 10 жил гаруй хугацаанд ийм хүчтэй газар хөдлөлт болоогүй аж. Өчигдрийн 7 цагийн байдлаар Пинюань дүүргийн 126 байшин газар хөдлөлтийн улмаас нурсан гэв.

Газар хөдлөлтийн чичирхийлэл Бээжин, Тяньжин болон Хэнань, Хэбэй мужуудад мэдрэгдсэн байна. Газар хөдлөлт болсон дүүрэг Бээжингээс 345 км зайд оршдог аж. Улмаар газар хөдлөлт болсон бүсийг дайран өнгөрдөг Бээжин-Шанхай чиглэлийн өндөр хурдны галт тэрэгний зорчих хөдөлгөөн түр саатжээ. Эх сурвалж: South China Morning Post