• Тус хөлөг Энэтхэгийн хөөргөсөн хөлгөөс түрүүлж саран дээр бууна гэв
• Саран дээр нэг жилийн хугацаанд байлгаж, судалгаа хийх зорилготой аж
• 1976 Оросоос "Луна-24"-ийг хөөргөж, сарны хөрсийг судалж байсан

ОХУ-ын сансар судлалын байгууллагаас энэ баасан гарагт сар руу “Луна-25” сансрын хөлгөө хөөргөхөөр болсноо мэдэгдлээ.

Тус хөлгийг саран дээр газардсанаас хойш нэг жилийн турш сарны хөрс, өмнөд туйлыг судлуулах зорилготой аж.

Энэтхэг улс ижил зорилгоор “Чандраян-3” төхөөрөмжөө өнгөрсөн сард хөөргөсөн юм. Тус төхөөрөмж энэ сарын 23-нд саран дээр буухаар байна. Оросын хувьд Энэтхэгийн дараа хөөргөж байгаа ч саран дээр түрүүлж бууна гэв.

Оросын сансар судлалын байгууллагаас “Хоёр хөлөг нэгнийхээ замд саад болохгүй, мөргөлдөхгүй. Учир нь хөлгүүд өөр өөр газарт буухаар төлөвлөсөн” гэсэн байна.

Хөлгийг хөөргөсний дараа унах магадлалтай учир ойр орших тосгоны иргэдийг баасан гарагийн өглөө нүүлгэн шилжүүлэх аж. 1976 онд Оросоос “Луна-24”-ийг хөөргөж байсан бөгөөд сарны хөрсийг авч ирж, судлуулж байсан.

Эх сурвалж: Ройтерс