• Амьдрал байх үед л орших боломжтой молекул илрүүлжээ
• Уг гараг нь 120 сая гэрлийн жилийн зайд оршдог
• Агаар мандлаас нь нүүрсхүчлийн хий илрүүлсэн нь далай байж магадгүйг илтгэж байгаа аж

Америкийн сансар судлалын байгууллага буюу НАСА-ийн Жеймс Вебб дуран амьдрал байх боломжтой гараг илрүүлсэн байна.

Тодруулбал дэлхий дээр диметилсульфат /DMS/ хэмээх молекул зөвхөн амьдрал байх үед л илрэх боломжтой байдаг. Харин одоогоор К2-18b гэж нэрлэж буй тус гарагаас уг молекулыг илрүүлжээ.

Мөн судлаачид гарагийн агаар мандлаас метан болон нүүрсхүчлийн хийг олсон нь тус гараг дээр далай байж магадгүйг илтгэж байгаа аж. Уг судалгааг удирдаж буй эрдэмтэд амьдрал байгаа эсэхийг тогтооход нэмэлт мэдээлэл шаардлагатай байгааг дурдаж, жилийн дотор судалгааны үр дүнг гаргана гэв.
Өмнө нь НАСА-ийн Hubble дуран К2-18b гарагийн агаар мандлаас усны уур илрүүлж байсан тул сайжруулсан Жеймс Вебб дурангаар хамгийн түрүүнд уг гарагийг судалж эхэлсэн байна. Ямар нэг гараг дээр амьдрах боломжтой эсэх нь агаарын температураас хамаардаг. Харин уг гарагийн агаарын хэм амьдрах боломжид нийцэж байгаа аж. 

Эх сурвалж: ВВС