Дэлхий дээр амьд үлдсэн мянга мянган азтай гэж хэлж болох тохиолдлууд бий. Тэгвэл бид энэ удаад “Apple” компанийн “iwatch” хэрхэн хүний амийг аварсан талаар нэгэн түүхийг өгүүлэх гэж байна. Флорида мужид 26 настай Кэси Андерсон хурдны зам дээр 9 сартай хүүхдээ арын суудал дээр нь хүүхдийн аюулгүй суудал дээр нь бэхэлсэн явж байж. Бага зэргийн бороо орж зам гулгаатай болж эхэлж байсан байна. Гэрлүүгээ явж байсан бүсгүйн ард хэдхэн машины цаана нөхөр нь мөн адил машинтайгаа явж байж. Ингээд түүний машины зүүн талаас хүчтэй цохилт мэдрэгдэж, гэнэт нүүрээрээ жолооны хүрд мөргөжээ. Тухайн үед толгой хэсгээрээ эргэн тойронд хүнд цохилт авч хэсэг ухаан балартсан байв.

Сүүлд нь согтуу жолооч түүний машиныг мөргөсөн болохыг ослын мөрдөгчид олж тогтоосон байдаг. Ингээд ухаан ортол Кэси хамгийн түрүүнд 9 сартай хүүхдээ санаж дотроо эсэн мэнд байгаасай гэж “Паркер чи зүгээр үү” хэмээн асууж байснаа санасан байна. Тэгээд утсаа хайж яаралтай түргэн тусламж дуудах гэсэн боловч мөргүүлэх үед утас нь хаана орсон, хаашаа үсэрсэн нь мэдэгдэхгүй алга болж. Гар утсаа хайж байх хооронд түүний гаранд доргио мэдрэгздсэн аж. Хартал “iwatch” нь бугуйнд нь байжээ. Ингээд цаг алдалгүй “Siri, 911 дууд” гэжээ. Энэ хооронд нөхөр нь ч ирж, яаралтай түргэн тусламж ч цаг алдалгүй ирж тусламж үзүүлсэн байна. Одоо Кэси болон түүний гэр бүл “iwatch”-ийн тусламжтай амь, эрүүл саруул байгаад тэрээр баярлаж явдаг талаар өөрийн түүхийг хуваалцлаа.  

Эх сурвалж: https://www.cnet.com