Сувгийн үзэгчид клип, концертын бичлэг, зочдын өгсөн ярилцлагыг үзэх боломжтой-

Apple компани Apple Music TV-ийг нээлээ, тус сувгаар клип, концерт, чарт, зочдын ярилцлагыг 24 цагийн турш үзүүлэх болно. Энэ тухай Variety бичжээ.

Одоохондоо Apple Music TV-г АНУ-ын оршин суугчид зөвхөн Apple Music, Apple TV програм дээр ашиглах боломжтой аж.

Үйлчилгээний нээлт 10-р сарын 19-нд болсон бөгөөд үзэгчдэд АНУ-ын хамгийн алдартай 100 дууны сонголтыг Apple Music дээр үзүүлжээ.

10-р сарын 22-нд тус суваг Брюс Спрингстиний “Letter to You” цомог гарсаныг тэмдэглэж, түүний хамгийн алдартай видеонуудын клип, Apple Music-ийн хөтлөгч Зейн Лоутай хийсэн ярилцлага, фенүүддээ зориулан цацсан тусгай арга хэмжээг үзүүлэх болно.

Variety-гийн мэдээлснээр тус сувгаар компани хэдийн хөрөнгө оруулалт хийсэн хөгжимчдийн тухай баримтат кинонуудыг үзүүлэх аж. Юуны өмнө хоёрдугаар сард нээлтээ хийхээр төлөвлөж буй Билли Эйлишийн тухай “Дэлхий бага зэрэг бүдэгрэв” бүрэн хэмжээний баримтат киног гаргах тухай ярьж байгаа аж.