• Түүний шинэ компанид АНУ-ын томоохон фирмийн инженерүүд ажиллаж байна
• xAI нь "Илүү аюулгүй, сониуч хиймэл оюун ухаан байх болно" гэв
• Илон Маск ChatGPT-г үүсгэн байгуулагч компанийг хамт байгуулж байжээ

Тэрбумтан Илон Маск лхагва гарагт ChatGPT-тэй өрсөлдөхүйц хиймэл оюун ухаанд суурилсан xAI компаниа танилцууллаа. Тус компани АНУ-ын томоохон фирмийн инженерүүдээc багаа бүрдүүлсэн гэв. 

Илон Маскийн хувьд өмнө нь хиймэл оюун ухаан хүн төрөлхтний соёл иргэншлийг устгаж магадгүй тул энэ чиглэлийн хөгжүүлэлтийг түр зогсоох шаардлагатай хэмээн олон удаа ярьж байсан. 

Харин түүний танилцуулж буй xAI нь “Илүү аюулгүй, сониуч хиймэл оюун ухаан байх болно” гэдгийг Твиттер хуудсаараа дамжуулан мэдэгдэв. Мөн тус компанийн зорилго нь ертөнцийн мөн чанарыг ойлгох хэмээн тайлбарлажээ. 
             

Тэрбээр ChatGPT-г үүсгэн байгуулсан OpenAI компанийг 2015 онд хамт байгуулж байсан ч, гурван жилийн дараа ТУЗ-ийн гишүүнээс нэрээ татаж байв. 

Эх сурвалж: Ройтерс