• CS2-ын IEM Katowice 2024 тэмцээн эхэллээ
• Тэмцээнд Монголын "The MongolZ" баг Ази тивийг төлөөлөн оролцож байна
• Тэд эхний тоглолтдоо Бразилын "FURIA Esports" багийг хожлоо

ESL-ээс зохион байгуулдаг CS2-ын цуврал их дуулга тэмцээнүүдийн нэг, "Intel Extreme Masters"-ын ээлжит өртөө Катовиц хотноо эхэллээ.

Дэлхийн шилдэг 24 баг цугларсан "Intel Extreme Masters Katowice 2024" тэмцээнд Ази тивийг төлөөлөн Монголын "The MongolZ" баг оролцож байна.

Тэдний эхний өрсөлдөгч Бразилын №1 "FURIA Esports" байв. Хоёр баг өмнө хэд хэдэн удаа таарч тоглоход монгол баг хожиж байсан түүхтэй. Тэгвэл энэ удаа "Mirage"-д 14-16 харьцаагаар "The MongolZ" дахин хожиж Бразил багуудын аргыг олдгоо баталлаа.

• Чендугийн их дуулгын эрхийг "TYLOO" авлаа
• "The Huns Esports" Чендугийн их дуулгын урьдчилсан шатанд тоглохоор боллоо
• "ATOX Esports" дэлхийн аваргын урьдчилсан шатанд оролцох эрхээ авлаа

"bLitz" ахлагчтай залуус "Play-In" шатны хоёр дахь тоглолтоо өнөөдөр 20:30 цагаас "Team Spirit" багтай хийнэ. "sh1ro", "zont1x" тэргүүтэй Оросын баг эхний шатандаа хүчирхэг багуудын нэг "Apeks"-ыг 13-0 харьцаагаар хожиж олныг гайхуулсан.

Тус тоглолтод хожсон нь хэсгийн шат руу шалгарах бол хожигдсон нь доод хүснэгт рүү унаж тэмцээнд үлдэх эсэхээ шийдэх юм.