Сүүлийн 24 цагийн дотор NBA-ийн “Юта Жазз” багийн Рүди Гобер, Эммануэл Мудиней,  Донован Мичел, Италийн Сериа А лигийн “Ювентус” клубийн  Даниел Ругани, Английн премьер лигийн “Челси” клубийн Каллум Хадсан-Одой,  "Арсенал" клубын дасгалжуулагч Микел Артета, “Лестер Сити” клубийн гурван тоглогч халдвар авсан нь батлагдсан.   Тиймээс тамирчид дархлаа сайтай учраас вирусаар өвчлөхгүй гэсэн ойлголт үгүй болов.

 

Коронавирусийн тархалт бодит аюул болсон тул спортын олон арга хэмжээ цуцлагдаад буй. Үүнээс онцлох тэмцээнүүдийг дурдвал:

 

ХӨЛБӨМБӨГ:

 

-       Испанийн Ла лиг:  Хоёр долоо хоног зогсоосон

 

-       Италийн Сериа А:  4-р сарын 03 хүртэл зогсоосон

 

-       Францын Лиг 1: түр зогссон

 

-       Германы Бундес лиг: үзэгчгүй явагдана

 

-       Английн премьер лиг: Өнөөдөр лигийн удирдлагууд хуралдана

 

-       Европын хөлбөмбөгийн холбоо “Евро 2020” тэмцээн 2021 онд хийх талаар хуралдана. Мөн Аваргуудын лиг, Европа лигийн зарим тоглолтуудыг цуцлаж, заримыг нь үзэгчгүй явуулж байна.

 

Сагсанбөмбөг:

 

-       NBA: улирал түр зогссон. Эхний ээлжинд 30 хоног завсарлах ба цаашид яах нь нөхцөл байдлаас хамаарна гэдгийг NBA коммисар Адам Силвер мэдэгдсэн.

 

-       “Реал Мадрид”-ын сагсанбөмбөгийн багийн тамирчин “Ковид-19”-ийн халдвар авсан.

 

Өвлийн спорт:

 

-       Уран гулгалтын ДАШТ цуцлагдсан

 

-       Хоккейн эмэгтэйчүүдийн ДАШТ цуцлагдсан

 

-       Биатлоны дэлхийн цом цуцлагдсан

 

-       Өөр бусад тэмцээнүүд цуцлагдаж, үзэгчгүй болж байна.

 

Формула-1:

 

-       Өнөөдөр болох /2020.03.13/ байсан Австрийн гараа цуцлагдсан

 

-       Хятадын Гран При мэдээж цуцлагдсан. Дөрөвдүгээр сард болно гэж тов гарсан

 

Хөнгөн атлетик:

 

-       31 мянган тамирчин оролцох байсан Бостоны Марафон цуцлагдав

 

Олимп:

 

-       Олимпийн наадам цуцлагдах талаар албан ёсны мэдэгдэл гараагүй. Оны сүүл хүртэл хойшлогдох боломжтой талаар мэдээлсэн.