• Жүдо бөхийн ДАШТ эхэллээ
• Тэмцээний эхний өдөр шигшээ багийн таван бөх зодоглов
• Эрэгтэй -73 кг жинд Л.Анхзаяа хүрэл медаль авлаа

Жүдо бөхийн 2024 оны дэлхийн аварга шалгаруулах тэмцээн АНЭУ-ын Абу Даби хотод эхэллээ. 107 орны 658 тамирчин бүртгүүлсэн тэмцээнд Монголын шигшээ багийн 18 бөх зодоглож байна.

Тэмцээний хоёр дахь өдөр эрэгтэй -66, -73 эмэгтэй -57 кг жингийн барилдаанууд болоход эрэгтэй -73 кг жинд Лавжаргалын Анхзаяа хүрэл медаль хүртлээ.

24 настай Л.Анхзаяа Жибутигийн Аден-Александре Хуссен, Гүржийн Лаша Шавдатуашвили, Румыны Александру Райку, Швейцарын Нилс Стамп нарыг ялж таамаг эвдэн хагас шигшээд шалгарсан.

• Б.Баасанхүү жүдо бөхийн дэлхийн аварга боллоо
• ТАНИЛЦ: Жүдо бөхийн ДАШТ-д оролцох шигшээ багийн бүрэлдэхүүн
• Гавьяат тамирчин Л.Энхрийлэн Их дуулгаас хүрэл медаль хүртжээ

Харин хагас шигшээд Японы Тацүки Ишихарад ялагдаж хүрэл медалийн төлөө барилдахаар болсон бөгөөд Бразилын Даниэл Каргниныг торгуулиар ялснаар анх удаа ДАШТ-ий медалийн тавцанд зогслоо.

Л.Анхзаяа дэлхийн чансааны 98-д жагсаж байсан бол Бразилын Даниэл Каргнин 10-т, Швейцарын Нилс Стамп 8-д,  Гүржийн Лаша Шавдатуашвили 5-д жагсаж байв.

Монголын шигшээ баг Абу Дабигийн ДАШТ-ээс одоогоор нэг алт (-48 Б.Баасанхүү), нэг хүрэл медаль (-73 Л.Анхзаяа) аваад байна.

Өнөөдөр

• Эрэгтэй -66 кг жинд Ё.Басхүү шигшээ 16-д Японы Такэши Тэкэокад ялагдаж тэмцээнээ дуусгасан
• Эрэгтэй -66 кг жинд Баттогтохын Эрхэмбаяр дагахад Гүржийн Важа Маргвелашвилид ялагдаж 7-р байр эзэлсэн
• Эрэгтэй -73 кг жинд Батзаяагийн Эрдэнэбаяр дагахад Бразилын Даниэл Каргнинд ялагдаж 7-р байр эзэлсэн
• Эмэгтэй -57 кг жинд Мөнхцэдэвийн Ичинхорлоо дагахад Израилын Тимна Нэлсон Левид ялагдаж 7-р байр эзэлсэн.
• Эмэгтэй -57 кг жинд Лхагватогоогийн Энхрийлэн хүрэл медалийн төлөө Японы Момо Тамаокид ялагдаж 5-р эзлэв.