Олон улсын хөлбөмбөгийн холбоо ойрын гурван жил тэмцээн уралдааныг цуцлах бэлтгэл ажлаа хийж байна. Ерөнхийдөө дуусах шатандаа явж байгаа гэж хэлж болно. Хамгийн багадаа гэхэд хоёр жил тэмцээн уралдаангүй байх нь. Европын хөлбөмбөгийн лигүүдийн ерөнхийлөгч Ларс Кристин Олссон “хүлээгээд юу болохыг харья” хэмээн сэтгүүлчдэд 2022 оны Катарт болох байсан Дэлхийн аварга шалгаруулах тэмцээний талаар байр сууриа илэрхийлжээ.

Аваргуудын лиг болон Европа лигийн үлдсэн тоглолтуудыг үзэгчгүй ирэх наймдугаар сард явуулах боломжит бүх гарцыг судалж байгаа юм байна. Ирэх сарын сүүлээр ерөнхийдөө энэ зуны тэмцээн уралдааныг яаж шийдэх эцсийн шийдвэр гарна. Мөн улс орнуудыг үндэсний аварга шалгаруулах лигүүдийг ч яах талаар зарим заавар зөвөлгөөг удахгүй улс болгон руу хүргүүлэх тухай мэдэгджээ. Өмнөх улирал, лигийн тоглолтууд дуусаагүй ийм нөхцөл байдалд шинээр лиг эхлүүлэх ямар ч ойлголт байхгүй гэдгийг анхаарах ёстойг холбоодуудад хандан хэлсэн байна.

Одоогийн байдлаар Франц өөрсдийн хоёр лигийг зогсоосон. Францын Засгийн газар ирэх есдүгээр сар хүртэл спортын бүх арга хэмжээг цуцалж хориглосон байдалтай байгаа. Давагдашгүй нөхцөл байдал үүссэнтэй холбоотой давж болохуйц зарим шийдвэрүүдийг гаргахыг зорьж байгаагаа уламжиллаа. Тиймээс хөлбөмбөгийн ертөнц бүрэн “зогслоо” гэж хэлж боллоо. Үзэгчид, хөгжөөн дэмжигчид, багийн удирдлага, тамичид, эзэд гээд сая сая хүмүүс хий хоосон итгэл найдвар тээж явахгүй байхыг тэрээр хүсээд эрүүл мэнд, аюулгүй байдлаа бодох чухал үе ирээд байгааг онцоллоо.

Эх сурвалж: https://www.bbc.com/sport