АНУ-ын мэргэжлийн сагсанбөмбөгийн лигийн энэ жилийн улирлыг дуусгах тал дээр лигийн удирдлагууд гарц, шийдлийг хайсаар хоёр сар боллоо. Энэ хугацаанд лигийг үргэлжлүүлэх боломжит бүх аргыг хэрэглэхийг хичээсэн боловч дэлхий нийт халдварын түвшин улам нэмэгдэж цуцлахаас өөр аргагүйд хүрсэн. Гэхдээ яаж, хэрхэн цуцлах тал дээр хэлэлцэж, ярилцаж байгаа энэ үед Лос Анжелес Лакерс багийн супер од, лигийн нүүр царай, ахмад тоглогч Лэброн багахан “бялдуучилсан” байр суурь илэрхийлэв.

Энэ жилийн хувьд лиг 2 тэрбум ам.долларын алдагдал хүлээгээд байгаа. Энэ байдлаараа лиг ч үгүй, тоглогч ч үгүй, хөрөнгө оруулалт ч үгүй нөхцөл байдал хүндрэх шинжтэй боллоо. Зарим хөрөнгө оруулагчид, багийн эзэд шинэ улиралд бэлдэх санхүүжилтаа түр зогсоох хүртэл арга хэмжээ авч болзошгүйг цахим хуудсаараа мэдэгдсэн. Гэвч тоглогчид цалингаараа хохирол асуудал нэн тэргүүний авч хэлэлцэх ёстой асуудал гэдгийг тоглогчдийн холбооноос онцолсон. Баруун бүсийн нэг баг гэхэд 50 сая ам.долларын алдагдалд орсон талаар мэдээлсэн. Ингээд тоглогч нарынхаа цалингаас 25 хувиар тооцож өгөхөөр тохиролцсон байна.

“Бид зарим агент болон лигийн удирдлага, менежерүүд лигийг цуцлах, дуусгах талаар ярьж байхыг харлаа. Тийм зүйл болохгүй л болов уу...Манай багийн хувьд бид бэлэн, бэлтгэлээ хийж байгаа, улирлаа дуусгах бодолтой байгаа” гэжээ. Магадгүй найман удаагийн финалаас 3хан ударга авсан түүний хувьд энэ жил “том хүлээлт” хүлээж байсан байх. Дараа жил багууд хүчтэй, хурдтай, бэртэл гэмтэлтэй тамирчид эргэн ирнэ. Спортын аналистууд түүнийг хамгийн “азгүй” мэргэжлийн тамирчинд өргөмжлөхөд тун ойрхон байна. Хэдий агуу замнал, агуу статистик түүний түүхийг чимэж өгсөн ч гэсэн.