НБА, Сакраменто Кингс багийн тоглогч Кори Жозеф Канадын дунд сургуулийн хүүхдүүд болон зарим оюутнуудад шаардлагатай хүнсний тусламж бүхий 1000 хайрцаг хоол хүнс тараасан байна. Энэ талаар НБА албан ёсны хуудас дээр бичсэн бөгөөд хугацаат хөтөлбөр бүхий тусламж хэрэгтэй байдаг тусгай хүүхдүүдэд хоолны хомсдол үүсээд байжээ. Халдвартай үед тэдэнд туслах санхүүжилт гацсан байдалтай байгааг олж мэдсэн Кори “NBA Cares” хөтөлбөрийн нэг хэсэг болж байгаадаа баяртай байгаагаа дуулгав. Өмнө нь Сакраменто хотод хоол хүнсгүй байгаа гэр бүлүүдэд тусламжийн гараа сунгаж байсан бол энэ удаад Канадын тусгай анхаарал шаардлагатай хүүхдүүдэд хүнсний хэрэгцээг хангахад гараа сунгалаа. Мөн Торонто хотын эмнэлгийн байгууллагад маск их хэмжээгээр бэлэглэж бүгдэд нь эрүүл байхыг хүссэн бичлэг цахим хуудсаар цацагдаад байгаа билээ.

Эх сурвалж: https://rsport.ria.ru/20200504