Цагдаа нарын мэдээллэж байгаагаар “NFL”-ийн супер од Эрл Томасын эхнэр түүнийг хардан толгойнд нь сумтай, цэнэгтэй гар буу тулгасан байна. Эхнэр нь Томасыг өөр хүүхэнтэй сээтэгнэж, нэг оронд шалдан байхыг олж хараад ийнхүү уурласан талаар мэдүүлэгтээ хэлсэн аж. Балтимор Рэвенс багийн тоглогчийн эхнэр гэх Нина Томас галт зэвсэг ашиглах эрхгүй нэгэн бөгөөд бусдыг айлган сүрдүүлсэн, гэр бүлийн хүчирхийлэл үйлдсэн хэргээр шүүх дуудсан талаар “TMZ” онцоллоо. Техас мужийн цагдаагийн албанд үүрийн 3:41 минутанд дуудлага ирсэн бөгөөд “амгалан тайван байдал алдагдуулж  байна” гэсэн хөршийн дуудлага байжээ. Цагдаагийн ажилтнуудыг ирэхэд буутай эмэгтэй улбар шар хүзүү далдалсан цамцтай гартаа хутга, буу барьсан нөхрөө буудахыг оролдож заналхийлж байжээ. Азаар хэн ч хохироогүй байсан бөгөөд шүүхийн шийдвэр удахгүй гарна.