НБА-гийн улирал үргэлжлэх үү?

АНУ-ын үндэсний сагсан бөмбөгийн лиг НБА эргэн ирэх тал дээр тал бүрийн судалгаа хийж, холбооны гишүүд шийдвэрээ гаргасан бололтой. Энэ жилийн улирал эргэн ирэх үү, лиг тогтвортой явагдах уу гэсэн асуултад хариулт өгөх цаг ирсэн талаар Адам Силвер байр сууриа илэрхийллээ. Эрүүл мэндийн байдал, аюулгүй байдал, санхүү байдал гээд тал талаас нь судалж үзсэн байна. Мэргэжлийн сансанбөмбөгийн лигүүд дэлхий даяар цааш хэрхэн явагдах, эсвэл улирлууд нь шууд цуцлагдах эсэх дээр олон улсын сагсан бөмбөгийн лигтэй зөвлөлдөөд дуусжээ. Ингээд тоглогчдийн холбоотой ярилцаад “цаашид энэ вирусын нөхцөл байдлыг хүлээх юм бол ирэх улирал ч хэцүүхэн зүйл болно. Тиймээс эртхэн шийдвэрээ гаргаж эхлүүлэх санал гаргаж байна” гэв. Гэхдээ гаргах шийдвэр маш их эрсдэл дагуулж байгааг анхаарууллаа. Магадгүй одоо аюулгүй байдлыг хэрхэн хангах тал дээр ажиллаж байгаад лигийг үргэлжлүүлэх боломжтой тул багуудын эзэд, ивээн тэтгэгч нартай уулзах л үлдээд байгаан байна.