UFC холимог тулааны дэлхийн супер од, Ирландын тулаанч Конор ирэх долдугаар сард тулаан хийх төлөвлөгөө бол байгаа. Харин хэнтэй гэдэг нь одоогоор тодорхой бус. Хабибийн хувьд өөрийн төрсөн нутагт хөл хорионд байгаа гэсэн мэдээлэл гарсан. Харин түүнийг халдвар авсан учраас ОХУ-аас АНУ руу очиж чадахгүй байгаа талаар спортын сэтгүүлчид таамаглаж байгаа. Энэ мэдээлэл үнэний ортой гэлтэй Конор итгэсэн бололтой. Тэрээр “Би Хабибийг эдгээсэй гэж хүсэж байна. Эрүүл саруул болоод буцаад дэвжээн дээрээ гарч тулаанаа хийгээсэй гэж залбирч байгаа” хэмээн ярьжээ. Энэ сарын 5-ны өдөр Хабибд халдварын тест хийсэн мэдээ цацагдсан ч баттай хариу байхгүй байгаа ч Хабиб өөрөө эмнэлэгт хэвтэж байгаа нь эх сурвалжаар нотлогдсон бололтой. Холимог тулааны хүчтэй өрсөлдөгч гэх Ислам Махачев Хабибийг Москва хотод эмчлүүлж байгаа бөгөөд биеийн байдал хүнд байгааг олон нийтэд цацсан. Тиймээс Конор Хабибийн төлөө залбирч байна. Тамирчин хүнд байх ёстой зан чанар “чин сэтгэлээсээ өрсөлдөгчөө хүндлэх” билээ.

Эх сурвалж: https://rsport.ria.ru/20200514/1571407850.html