Английн премьер лигийн 19 дүгээр тойргийн ихэнх тоглолт өнгөрсөн шөнө боллоо. Өнөө шөнө "Манчестер Сити" клуб "Вулверхэмптон"-ы талбайд зочилсноор энэ тойргийн тоглолтууд дуусна.  Тэгвэл хүснэгтийг тэргүүлэгч "Ливерпүүл" клуб энэ тойрогт хоёрдугаар байрт бичигдэж байгаа "Лестер"-ийн талбайд зочилж,  0:4-өөр төвөггүй буулгаж авлаа. Ингэснээр "Ливерпүүл" 52 оноотой хүснэгтийг 13 онооны илүүтэйгээр тэргүүлж эхэллээ. 

Мөн тэд нэг тойргийн тоглолт дутуу байгаа. Энэ удаагийн тоглолтын 31, 74 дэх минутад Фирмино дубль хийж, энэ улирлын премьер лигийн 6 дахь гоолоо орууллаа. Харин Милнер 71 дэх минутад торгуулийн цохилтоос гоолдсон.  Фирминогийн хоёр гоолын дамжуулалтыг өгсөн Александер-Арнолд 78 дахь минутад гүйцээж, багийн ялалтыг баталгаажуулсан. Мөн тэрбээр премьер лигт 9 гоолын дамжуулалт өгсөн амжилтаар Кевин де Брюйнегийн ард бичигдэж байна. "Сити"-гийн уураг тархи 11 гоолын дамжуулалттай. 

Бусад тоглолтын үр дүн

 Тоттенхэм 2-1 Брайтон 

Кристал Палас 2-1 Вест Хэм

Астон Вилла 1-0 Норвич 

Шеффилд Юнайтед 1-1 Уотфорд 

Челси 0-2 Саутгэмптон 

Эвертон 1-0 Бөрнли 

Борнмут 1-1 Арсенал 

Манчестер Юнайтед 4-1 Нью Касл