Аваргуудын лигт Криштиану Роналду, Лионел Месси гэсэн дэлхийн шилдгүүд хоорондоо дахин тулахыг харах боломж бүрдсэн ч Роналду коронавирусийн халдвар авч Ювентус, Барселона гэсэн сонирхолтой тоглолтод оролцож чадсангүй.

Түүгээр ч үл барам Ювентус талбайдаа Барселонаг хүлээн авч 0:2-оор ялагдал хүлээлээ. Усман Дембеле 14 дэх минутад гоолын салхийг хагалсан бол Лионел Месси 90+1 дэх минутад 11 метрийн торгуулийн цохилтоос гоол оруулав.

Аваргуудын лигийн хэсгийн шатны хоёр дахь тоглолтууд урьд шөнө болж өндөрлөхөд Английн лигийн төлөөллүүд бүгд тус тусын хэсгээ тэргүүлж байна. Сонирхолтой нь “Реал Мадрид”, “Интер Милан”, “Мюнхен Гладбах”-тай нэг хэсэгт багтсан Украины “Шахтёр” клуб хэсгээ манлайлсан хэвээр үлдлээ.