Мэргэжлийн холимог тулааны урлагийн дэлхийн хамгийн шилдэг холбоо болох UFC-ийн ээлжит нэгэн тулаан өчигдөр (2021.01.24) Абу Даби хотын Яас Арал дээр зохион байгуулагдан ялагчдаа тодрууллаа. Энэхүү өдөрлөгийн гол тулаанд цагтаа UFC холбооны хагас хөнгөн болон хөнгөн жингийн аваргын бүсийг зэрэг эзэмшиж явсан Конор МакГрегор болон хөнгөн жингийн аваргын бүсийг түр эзэмшиж байсан Дастин Пойрье нар тулалдсан юм. Конор МакГрегорын хувьд яг нэг жилийн дараа, зодог тайлснаасаа хойшхи анхны тулаанаа хийсэн бол Дастин Пойрье зургаан сарын дараа октагонаа эргэн ирсэн юм. Тулааны хувьд хоёр тулаанч маань өмнө нь 2014 онд учраа тааран тулалдаж байсан бөгөөд тухайн үед Конор өрсөлдөгчөө нэгдүгээр үед хүнд цохилтоор буулган авч байлаа. Харин энэ удаад Дастин Пойрье хариугаа авч, Конорыг хоёрдугаар үед хүнд цохилтоор буулган авав. Ингэснээр Дастин Пойрье UFC холбооны хөнгөн жингийн аваргын бүсний төлөөх тулаан хийх боломжоо ахиулсан бол Конорын хувьд байдал эвгүйтлээ. Конор бэлтгэл тун тааруу байгаа нь тулааны үеэр харагдаж байв. Тэрээр бэлтгэл хангагчаа сольж залуучуудтай бэлтгэл хангасан нь алдаа боллоо хэмээн хэл байна.