Сагсан бөмбөгийн Алдрын танхимын гишүүн, домогт төвийн тоглогч Шакил О′Нил нэрт шоумэн Жимми Фэллоны Шөнийн шоуд оролцох үеэрээ хуучин хамтрагч Кобе Брайантын хамтаар Леброн Жэймс болон Энтони Дэвистэй 2-ын эсрэг 2 тоглосон бол хожих байсан гэж ярьжээ.

“Ийм асуултуудад хариулт байдаггүй учраас би иймэрхүү төрлийн ярианд дуртай байдаг юм. Гэхдээ, хариулт байна аа, мэдээж тийм гэсэн хариулт. Ихээхэн нөлөө үзүүлэх нэгэн хүчин зүйл байгаа учраас бид хожих байсан. Хэн миний эсрэг хамгаалан тоглож чадах вэ?” гэж Шак “томорчээ”.