Монголын Үндэсний Олимпын Хорооноос 2023 онд манай улсын тамирчдын оролцох боломжтой томоохон тэмцээнүүдийн хуваарийг танилцууллаа.

Тухайлбал, энэ онд манай тамирчдыг дөрвөн том наадам хүлээж буй. Эдгээрээс наймдугаар сард Улаанбаатар хотноо болох Зүүн Азийн залуучуудын наадам, ес, аравдугаар сарыг дамнан үргэлжлэх Азийн наадам хамгийн чухал тэмцээн болох аж.

Үүнээс гадна манай тамирчид олимпын эрх олгох чухал тэмцээнүүдэд хурд хүч, авхаалж самбаагаа сорихоор төлөвлөж байгааг албаныхан мэдээлэв.

2023 оны спортын цаглавар

• Боксын эмэгтэйчүүдийн ДАШТ Энэтхэгийн Дели хотод гуравдугаар сарын 15-31-ний хооронд
• Боксын эрэгтэйчүүдийн ДАШТ Узбекистаны Ташкентад тавдугаар сарын 1-15-ны хооронд
• Жүдо бөхийн ДАШТ Катарын Дохад тавдугаар сарын 7-14-ний хооронд
• Таеквондогийн ДАШТ Азербайжаны Бакуд тавдугаар сарын 29-нөөс зургаадугаар сарын 4-ний хооронд
• 3Х3 сагсан бөмбөгийн ДАШТ Австрийн Вена хотод тавдугаар сарын 30-наас зургаадугаар сарын 4-ний хооронд
• Усан спортын ДАШТ Японы Фүкүокад долдугаар сарын 14-30-ны хооронд
• Дугуйн спортын ДАШТ Шотландын Глазго хотод наймдугаар сарын 3-13-ны хооронд
• Дэлхийн элсний наадам Индонезын Балид наймдугаар сарын 16-23-ны хооронд
• Буудлагын ДАШТ Азербайжаны Бакуд наймдугаар сарын 14-нөөс есдүгээр сарын 3-ны хооронд
• Зүүн Азийн залуучуудын наадам Монгол Улсын нийслэл Улаанбаатар хотод наймдугаар сарын 16-23-ны хооронд
• Хөнгөний ДАШТ Унгарын Будапештад наймдугаар сарын 19-27-ны хооронд
• Бадминтоны ДАШТ Данийн Копенхаген хотод наймдугаар сарын 21-28-ны хооронд
• Байт харвааны ДАШТ Германы Берлинд долдугаар сарын 31-нээс наймдугаар сарын 6-ны хооронд
• Хүндийг өргөлтийн ДАШТ Саудын Арабын Эр-Рияд есдүгээр сарын 2-17-ны хооронд
• Чөлөөт бөхийн ДАШТ Сербийн Белград хотод есдүгээр сарын 16-24-ний хооронд
• Азийн наадам БНХАУ-ын Ханжоу хотод есдүгээр сарын 23-наас аравдугаар сарын 8-ны хооронд
• Азийн танхимын болон тулааны спортын наадам Тайландын Бангкок-Чонбури хотод арваннэгдүгээр сард 17-26-ны хооронд болох юм байна.