“Даллас Мэверикс” багийн хамгаалагч Лука Дончич өчигдөр бэлтгэл дээр баруун хөлийн шагайгаараа эвгүй гишгэж бага зэргийн гэмтэл авчээ.

Гэмтэл ноцтой эсэх нь одоогоор гүйцэд тодорхой болоогүй, эмчийн үзлэгээр маргааш орох болсон тул өнөөдөр “Хьюстон Рокитс”-тай хийх тоглолтод оролцохгүй гэнэ.

Словен залуу өнгөрөгч оны сүүлээр ийм гэмтэл авч хэдэн долоо хоног талбай дээр гараагүй билээ.

Энэ улиралд Лука Дончич 28,8 оноо, 9,5 самбар, 8,7 дамжуулалт дунджилж байгаа юм.