Америкийн залуу дуучин бүсгүй Билли Айлиш Улаанбаатарт хоёр өрөө тансаг байр худалдаж авах мөнгөөр чамин гоёлын зүүлттэй болсноо инстаграм хуудсандаа оруулж шүтэн бишрэгчдийнхээ арааны шүлсийг асгаруулсан байна.

 

Ар талд нь дуучин бүсгүйн нэрийг сийлсэн  5X гэсэн бичээс бүхий энэхүү хүзүүний зүүлтийг 585-ын сорьцтой алтаар хийж, хар алмаас эрдэнээр чимэглэсэн аж.

 

Дуу хөгжмийн хамгийн нэр хүндтэй шагнал болох “Грэмми”-г дуучин бүсгүй энэ оны эхээр тавантаа хүртсэнийг тохиолдуулан Boodaddy Diamonds үнэт эдлэл үйлдвэрлэгч алдарт брэнд уг зүүлтийг бүтээсэн байна.

 

Айлиш хамгийн залуудаа энэхүү шагналыг ийм олон төрөлд хүртсэн анхны уран бүтээлч болсон юм.

 

Уг зүүлтийг 30,000 фунт стерлинг /106 сая төгрөг/-ийн үнэтэй хэмээн үнэт эдлэлийн шинжээчид үнэлэсэн байна.