38-тай америкийн алдарт дуучин Бейонсе (Beyonce) нутаг нэгтнүүддээ анхаарал болгоомжоо алдахгүй байхыг сэрэмжлүүлэн шүтэн бишрэгчдэдээ хандсан уриалга гаргажээ.

 

Тэрбээр афроамерикчууд нь гэрээсээ ажиллах боломжгүй, хүнд хүчир ажил хөдөлмөрийг голлон хийдэг болохоор сэрэмжтэй байхыг сануулсан байна.

 

“Америкт энэ вирусээр амь насаа алдаж байгаа хар арьст хүмүүсийн тоо асар хурдтай өсч байгаа” гэдгийг онцолсон Бейонсе коронавирусийн халдварын тархалтыг багасгахын төлөө өөрсдийгөө гэртээ тусгаарлахыг уриалжээ.

 

Мөн “Бидний аюулгүй байдлыг хамгаалах, хоол ундаар тасалгүй байх, эрүүл мэндийг хамгаалахын төлөө өөрсдийгөө золин ажиллаж буй жинхэнэ баатруудаар бахархаж, биширч байна.

 

Гэр орондоо амгалан тайван, гэдэс цатгалан амьдрахад тусалж буй хоол, хүнсний үйлдвэрлэл, хүргэлтийн үйлчилгээ, шуудан холбоо, эрүүл мэнд, зоонозын албаныханд баярлаж талархаж байна. Бид бүхэн та нарынхаа төлөө залбирсаар байх болно” гэж тэрбээр өгүүлжээ.