“Netflix” компани  АНУ-ын тэргүүн хатагтай асан Мишел Обамагийн баримтат киног хийж байгаа. Энэхүү уран бүтээлийн нэрийг “Becoming” буюу “дутууг нь гүйцээх”, “энэ бүхэн болж байна”, “биеллээ олж байна”, "ирж буй цаг" гэх  мэт утгатай. АНУ-ын ерөнхийлөгчийн ирэх сонгуульд Мишелийг нэр дэвшиж магадгүй учраас уг киног хийж байгаа талаар олон улсын хэвлэл мэдээллийн хэрэгслүүд таамаглаж байна. 

Барак Обама, түүний эхнэр Мишел мөн “Netflix” компанийн хамтын продакшн Мишелийн нэр хүнд, амжилтын нууцын талаар өгүүлэх богино хэмжээний баримтат киног ирэх сарын 6-ны өдөр албан ёсоор нээхээр болжээ. Энэхүү уран бүтээлийг Надиа Холлгрин найруулсан бөгөөд Барак Обамагийн “Higher Ground” продакшны хамтын бүтээл гэж албан ёсоор цацагдаж эхлэх талаар уран бүтээлчид хэллээ.

Шинэ уран бүтээлийн талаар Мишел “Хүн бүр л өөрийн гэсэн түүхтэй байдаг. Ямар амьдрал туулсан, ямар замаар явж ирсэн гээд. Том жижиг, залуу хөгшин, онцгой энгийн гээд хэн ч байсан хамаагүй бид бүгд өөрсдийн түүхээсээ хуваалцаж ирсэн. Түүнийгээ баяр гуниг, хүсэл мөрөөдлөөр дүүргэж өдийг хүрсэн” гэжээ.

“Netflix”-ийн богино хэмжээний баримтат уран бүтээл болох “American Factory” энэ жилийн Оскарт “Шилдэг баримтат уран бүтээл” төрөлд оскар авсан ч “Higher Ground” продакшны нөлөөг мартаж болохгүйг онцоллоо.

Эх сурвалж: https://techcrunch.com/2020/04/27/netflix-announces-a-new-michelle-obama-documentary-becoming-due-out-may-6/