PUBGM төрлийн STALWART ESPORTS баг Зүүн Азийн мэргэжлийн лигт хоёр дахь удаагаа түрүүллээ

PUBGM төрлийн Зүүн Азийн мэргэжлийн лигийн аварга шалгаруулах тэмцээний зургаадугаар улирлын тоглолтууд өчигдөр өндөрлөлөө.

Тус мэргэжлийн лигт 20, шувтаргын шатанд 16 баг гурван өдөр 18 тоглолт хийснээр аваргаа тодруулав.

Манай улсын Stalwart esports баг тус бүсийн мэргэжлийн лигт хоёр дахь удаагаа түрүүллээ. Монголын NB esports хоёрдугаар, 4 Merical vibes гуравдугаар, Mabatex зургаадугаар, IHC esports наймдугаар байрт тус шалгарсан амжилттайгаар мэргэжлийн лигийн 2023 оны хаврын улирлыг дуусгасан байна.

Stalwart esports багийн тоглогч А.Бүрэнбаяр буюу TOP тус мэргэжлийн лигийн үнэ цэнтэй тоглогчоор хоёр дахь удаагаа болов.

Манай улсаас найман баг мэргэжлийн лигт өрсөлдсөн бөгөөд аваргын шатанд долоон баг оролцож, дараагийн тэмцээн буюу Зүүн Азийн аваргад оролцох эрхийг таван баг авлаа.

Тус лигийн эхний 12 байрт шалгарсан багууд Пакистан улсын мэргэжлийн лигийн найман багтай Зүүн Азийн аваргын төлөө өрсөлдөх бөгөөд түрүүлсэн баг нь зуны дэлхийн аварга буюу "PMWI"-д оролцох эрхийг авна.

PUBGM төрлийн STALWART ESPORTS баг Зүүн Азийн мэргэжлийн лигт хоёр дахь удаагаа түрүүллээ

2023-04-17 12:50:19

Жиргэх Хуваалцах

Тухайн мэдээлэлд өгөх таны хариулт?

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд moment.mn хариуцлага хүлээхгүй.

Нийт сэтгэгдэл: 0

Шинэ мэдээ