Цахим спортын "CS:GO" төрлийн “Intel Extreme Masters Rio 2023” тэмцээн өчигдөр/2023.04.17/ Бразил улсад эхэллээ. Нийт 250 мянган ам.долларын шагналын сантай энэхүү тэмцээнд дэлхийн шилдэг 16 баг оролцож байгаа бөгөөд Ази тивийг Монголын “The Mongolz” баг төлөөлж буй.

Тэд тэмцээний эхний тоглолтоо өчигдөр дэлхийн чансааны дөрөвдүгээрт эрэмбтэй, суу алдарт Украины “Natus Vincere” буюу “NAVI”-ийн эсрэг хийн 9-16 гэсэн харьцаатай ялагдал хүлээсэн. Гэхдээ “The Mongolz”-ийн залуус тоглолтыг сайн эхлүүлж, ойрхон өрсөлдөөнийг үзүүлсэн боловч тоглолтын хоёрдугаар хагасаас “NAVI” илт илүүрхсэн.

Үүний дараа хожигдох эрхгүй тоглолтыг Бразилын “Impreial” багийн эсрэг хийн 2-1 гэсэн харьцаатай ялалт байгуулж, тэмцээнээ үргэлжлүүлэх эрхээ олж авлаа. “The Mongolz”-ийн дараагийн учраа нь “Heroic” болон “BIG” багуудын ялагдсан нь.

“The Mongolz” буюу хуучин “IHC Esports” багийн тамирчид Бразил багуудын эсрэг сайн амжилттай явна. Тэд өмнө “FURIA”, “paiN”, “00 Nation” зэрэг Бразилын шилдгүүдийг буулган авсан билээ.