Франц улсын иргэн 57 настай иргэнээс урьдчилан шинжилгээгээр корона вирусийн халдвар илрээд байна. Үүнтэй холбогдуулан мэргэжлийн байгууллагууд шуурхай ажиллан Улаанбаатар хотод зорчсон маршрутыг тогтоожээ. 

 

Тэрээр Францад арав орчим хоног болоод, 3 сарын 2-ны Москва-Улаанбаатар чиглэлийн "Аэрофлот"-ын нислэгээр Улаанбаатарт иржээ. Түүнтэй хамт зорчсон 120 зорчигчийг нэгдүгээр зэргийн хавьтагчид тооцон, яаралтай тусгаарлах ажил хийгдэж байна.  

 

Улаанбаатарт ирэхэд нь авсан шинжилгээгээр корона вирус илрээгүй ч буудалласан "Баянгол" зочид буудалдаа өөрийгөө сайн дураар тусгаарласан гэж мэдүүлсэн байна. Гэвч тэрээр "Ариг", "KFC", "Веранда" гэх мэт рестораноор үйлчлүүлээд, 6-нд Дорноговь руу явжээ. 

 

3 сарын 07-нд халуурч эхэлсэн учир эрүүл мэндийн байгууллагад ханджээ. Урьдчилсан байдлаар түүнээс корона виурсийн халдвар илэрсэн, давтан шинжилгээ хийнэ гэдгийг Эрүүл мэндийн сайд Д.Сарангэрэл мэдээлсэн.