Монгол Улсад гуравдугаар сарын 2-ны өдөр ирсэн Франц улсын иргэн COVID-19 вирусээр өвчилсөн болох нь шинжилгээгээр тогтоогдсон. Ингэснээр Монгол Улсад СOVID-19 вирусийн халдварын анхны тохиолдол гадны улс орноос зөөвөрлөгдөн /2020.03.09/ орж ирээд байна.

 

Уг иргэнтэй онгоц, галт тэргээр хамт зорчсон нэгдүгээр хавьтлын 26 хүний шинжилгээний хариу сөрөг гарч COVID-19 вирусийн халдваргүй болох нь тогтоогдсон.

 

Тэгвэл өнөөдөр өглөөний /2020.03.12/ мэдээллээр нэгдүгээр хавьтал болон хоёрдугаар хавьтлын 126 хүний шинжилгээний хариу сөрөг гарч халдваргүй болох нь тогтоогдсон гэдгийг Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг мэдээллээ.