Монголд анх бүртгэгдсэн франц иргэн эмнэлэгээс гараагүй байгаа билээ. Монголчууд түүнийг хэзээ эдгэж, гарах талаар асууж сурч байна. Учир нь түүний дараа халдвар авсан таван хүн эдгэрээд гарсан билээ. Тэгвэл Франц иргэний таван шинжилгээний нэг сорьц эерэг гарч байгаа талаар ХӨСҮТ-ийн захирал Д.Нямхүү хэллээ. Түүнээс хамар, залгиур, цэр, шээс, өтгөнд нь шинжилгээ хийхэд ганцхан сорьцоос коронавирус илрээд байгаа гэнэ. Удахгүй эдгэрнэ гэдэгт итгэлтэй байна.Уушгины томографын шинжилгээ хийж байгаа. Мөн цуснаас нь хүчилтөрөгчийн хэмжээ хэр байгааг шалгаж, уушгины өвчлөл эдгэж байгааг харьцуулж үзэж байна. Вирус илрүүлэх шинжилгээг өдөр бүр хийдэг. Аль сорьцын шинжилгээ эерэг гарч байгаагаас шалтгаалан эмчилгээ хийхдээ юунд анхаарах вэ гэдгээ шийддэг хэмээн хэллээ.