Монгол Улсад коронавирусийн батлагдсан нэг тохиолдол нэгээр нэмэгдсэнийг  ЭМЯ-наас мэдээллээ. Энэ сарын 18-нд Алтанбулаг боомтоор Монгол Улсад орж ирсэн тээврийн жолоочоос коронавирусийн халдвар илэрч Монгол Улсад коронавирусийн 34 дэх тохиолдол бүртгэгджээ. Энэ сарын 18-нд Алтанбулаг боомтоор Монгол Улсад орж ирсэн олон улсын тээврийн жолооч гэр бүлийн хамт ирсэн бөгөөд тэднийг хилээр орж ирэхэд нь тусгаарлалтад авсан юм. Мөн одоогийн байдлаар эхнэрт нь ямар нэгэн шинж тэмдэг илрээгүй гэв.

ХӨСҮТ-ийн Тандалт судалгааны албаны дарга А.Амбасэлмаа "Өвчлөл бүртгэгдсэнээс хойш хугацаанд 79 жолоочийг тусгаарлаж, ажиглалт, шинжилгээ хийсэн. Тухайн жолоочтой ойрын хавьтал болсон хяналт, шалгалтын ажилтнуудыг тусгаарлаж, шинжилгээ хийнэ. Гэхдээ тэдгээр ажилтнууд бүгд хамгаалалтын хувцас хэрэгсэлтэй байсныг энд тодотгох нь зүйтэй" гэлээ.