COVID-19 халдвар авсан хүнд халуурах, толгой эргэх, ханиалгах, дотор муухайрах зэрэг шинж тэмдэг түгээмэл илэрч байгаа талаар бид өнмө нь мэдээлсэн. 

Тухайлбал, манай улсад бүртгэгдсэн тохиолдлуудад ихэнхдээ:

• Хоолой өвдөх- 64.7 хувь
• Гүйлгэх, Толгой өвдөх, Хамар битүүрэх, Ханиалгах - 41.2 хувь
• Халуурах- 35.3 хувь
• Булчин өвдөх- 29.4 хувь
• Ядрах , Бөөлжих- 23.5 хувь
• Амьсгал давчдах-17.6 хувь
• Амт, үнэр мэдрэхгүй болох- 16 хувь
• Үе мөчөөр өвдөх, Дотор муухайрах, Жихүүдэс хүрэх, Нус гоожих -5.9 хувьтайгаар эмнэл зүйн шинж тэмдэг илэрч байгаа юм.

Тэгвэл "ДЭМБ-аас COVID-19 халдварын шинэ шинж тэмдгийг өчигдөр танилцуулсан. Халдвар авсан хүний гар, хөлийн хуруу, хамрын үзүүрт улаан, ягаан, хөх өнгийн халуу дүүргэсэн арьсны өөрчлөлт гарч байна гэсэн байна. 

Үүнийг COVID-19 халдварын эхний шинж тэмдэг гэж үзэж болно гэж ДЭМБ-аас мэдээлсэн. Мөн дээрх шинэ шинж тэмдэг нь ихэвчлэн хүүхдэд илэрч байгаа гэнэ.

Халдвар авсны дараа:

• 1-2 хоногт халуурах, дотор муухайрах, суулгах зэрэг шинж тэмдэг илэрч байна.
• 3-4 хоногт хоолойн өвдөлт нэмэгдэж, хоолой сөөх, юм залгихад хөндүүрлэх зовуурь мэдрэгдэнэ.
• 5 дахь хоногоос халууралт аажмаар нэмэгдэж, толгой эргэх дотор муухайрах, хөдлөхөд хэцүү болох зовуурь илэрнэ.
• 6 дахь хоногоос хуурай ханиалгах, дотор муухайрах, ядарч сульдаж байгаа ажиглагдана.
• 7-8 дахь хоногт амьсгалахад цээж хөндүүрлэх, бие сульдах шинж тэмдэг илүү давамгайлж буй бөгөөд энэ үед хуурай ханиалга нь цэртэй болж байна.
• 8 дахь хоногоос биеийн байдал улам хүндэрч, цээжээр өвдөж халууралт тогтвортой нэмэгдэх гэсэн эмнэл зүйн шинж тэмдгүүд давамгайлж байгааг ХӨСҮТ-ийн их эмч хэлж хэллээ.