ДЭМБ, НҮБ, улс орнуудын эрдэм шинжилгээний байгууллага, лабораториуд, эмч нар гээд вакцин гарах хамгийн боломжтой цаг хугацааг тооцоолсон байна. Судалгааны багийнханы мэдээллэж байгаагаар ирэх жилийн нэгдүгээр сард, эсвэл намар гэхэд корона вирусын вакцин гарах бололтой. Энэ талаар “Bloomberg”-ийн нийтлэлч Рос Красни онцоллоо. Тэгвэл Их Британи улсын эрдэмтэд ирэх зургадугаар сард гарах боломжтой талаар хэлж байсан. Үүнийг Оксфордын эм зүйн эрдэмтэн, доктор, профессор Жон Бэлл цохон тэмдэглэв. Гэвч ямар ч баталгаа байхгүй байсан хэвээр байна. Хүмүүсийн итгэл найдвар энэ судлагдаж байгаа, хийхийг зорьж байгаа вакцин дээр тогтож байна. 

Оксфордын судалгаа “хүмүүст итгэл найдвар өгөх” зорилготой гэсэн тайлбарыг судлаачид анхааруулж байгаа аж. Учир нь хүмүүс үхэж байна, халдварын тоо нэмэгдэж байна. Энэ цагт хүмүүс, дэлхий үнэнийг мэдэх эрхтэй. Тиймээс эмх замбраагүй байдал үүсгэхгүйн тулд тэднийг тайвшруулж, хүнсний хомсдол үүсгэхгүйн тулд ийнхүү “найдлага” төрүүлэхүйц мэдээлэл цацаж байгааг хэлжээ. Гарсан вакциныг хэдэн жил сайжруулах шаардлагтай байдаг. Оксфордын судлаачид 80 хувь боломжтой гэсэн ч 100 болгохын тулд ирэх жилийн нүүрийг үзэх нь гарцаагүй.

Эх сурвалж: https://www.bloomberg.com