БНХАУ-ын эмч нарын баг Африк тивд ажиллахаар Алжирт газардлаа. Африк тивд халдвар тараах хамгийн аюултай орноор Турк улсыг нэрлээд байгаа. Тэгвэл Туркийн хувьд нийт амиа алдсан хүмүүсийн тоо 4000 гараад байна. Хойд Африкийн улс орнуудад эхний ээлжинд халдварын голомтод туслахаар ирсэн талаар албаныхан өгүүлсэн ч зарим сайт, хэвлэл мэдээллийн хэрэгслүүд БНХАУ-ын “Африк тивд хийсэн хөрөнгө оруулалтаа алдахгүйн тулд туслахаас өөр сонголтгүй болж ирсэн” талаар хар мэдээ явлаа. Алжирт байрлах хятадын элчин сайд Ли Лианхе нийт багийн бүрэлдэхүүнд 20 хүн багтаж байгаа бөгөөд Алжир Хятадын харилцаа сайн байгаад баяртай байгаагаа илэрхийлжээ.  Өнгөрсөн мягмар гарагт нэг өдрийн дотор 189 шинэ тохиолдол бүртгэгдэж, 6442 халдвартай иргэдээс 529 нь амиа алдсан байдалтай байна. Харин эмчлэгдсэн хүний тоо 3158. Алжирийн дараа Египт гэсэн улсад туслах талаар өмнөд хөршийн эрх баригчид мэдэгдсэн. Египтийн хувьд Эрүүл мэндийн сайд нь мягмар гарагт 398 шинэ тохиолдол бүртгэгдэж, 15 хүн амиа алдаж, нийт 10 мянга 829 хүн халдвартай гэж байгаа бол нийт 571 хүн амиа алдаад байна. Улмаар Израйль, Лебанон, Тунис зэрэг орнуудаар ээлж дараалалтай эмч нарын баг туслахаар явах юм байна.

Эх сурвалж: http://www.xinhuanet.com