Өнөөдрийн байдлаар манай улсад ажиглалтад 263 хүн шинээр орж, долоон хүн гэрийн ажиглалтанд шилжлээ. Ажиглах байранд нийт 1638 иргэн байна. Орон нутгийн 14 чиглэлийн галт тэргэнд 4442 хүнд мөн ХӨСҮТ-ийн хоёр лаборатори, Дархан-Уул аймгийн салбар лабораторид нийт 315 хүнд шинжилгээ хийхэд сэжигтэй тохиолдол илрээгүй аж. Үүнд тандалтын зорилгоор 9  хүний шинжилгээ, ХӨСҮТ-д тусгаарлагдсан 11 хүний давтан шинжилгээ, ажиглалтанд байсан 167 хүний давтан шинжилгээ, Дорноговь аймгийн боомтоор орж ирсэн 23 ачаа тээврийн жолоочийн шинжилгээ, Алтанбулаг боомтоор орж ирсэн 28 ачаа тээврийн жолооч хамрагдана. Одоогоор нийт батлагдсан тохиолдол 194, эдгэрсэн 89 бол ХӨСҮТ-д 149 хүн эмчлүүлж байна.

Харин олон улсын хэмжээнд 216 улс оронд 7 сая 439 мянган хүн коронавирусийн халдвар авч, 417 мянган хүн нас баржээ. Сүүлийн 24 цагийн байдлаар өвчлөл 127 мянган хүнээр, нас баралт 4 мянган хүнээр нэмэгдсэн байна.