Өнөөдрийн байдлаар ХӨСҮТ-ийн хоёр лаборатори, Дархан-Уул аймгийн салбар лабораторид нийт 241 хүнд шинжилгээ хийхэд 238 хүний шнжилгээнд коронавирус илрээгүй. Үүнд тандалтын зорилгоор зургаан хүний шинжилгээ, ХӨСҮТ-д тусгаарлагдсан хоёр хүний давтан шинжилгээ, Увс аймагт тусгаарлагдсан 11 хүний давтан шинжилгээ, Сэлэнгэ аймагт тусгаарлагдаж байсан хоёр хүний давтан шинжилгээ, Алтанбулаг боомтоор орж ирсэн 39 авто тээврийн жолоочийн шинжилгээнд коронавирус илрээгүй. Нурсултан-Улаанбаатар чиглэлийн тусгай үүргийн нислэгээр ирсэн 181 хүнд шинжилгээ хийхэд гурван хүнд вирус илэрсэн байна. Өнөөдөр зургаан оюутан эдгэрч ХӨСҮТ-өөс дараагийн сувилал руу шилжжээ. Манай нийт батлагдсан тохиолдол 197, эдгэрсэн тохиолдол 95 боллоо. Харин эмчилгээнд 102 хүн байна. Биеийн байдал хөнгөн 91, хүндэвтэр 11 иргэн байна. 

Дэлхийн 216 улс оронд коронавирусийн халдвар бүртгэгдлээ. Нийт 7 сая 575 мянган хүн халдвар авч, 422 мянган хүн нас баржээ. Сүүлийн 24 цагийн байдлаар өвчлөл 128 мянган хүнээр, нас баралт 4 мянга гаруй хүнээр нэмэгдсэн байна.