Орон даяар явагдаж буй улирлын томуугийн дархлаажуулалт явагдаж байна. Монгол Улс 509.5 мянган хүн тун томуугийн вакцин оруулж ирсэн. Энэ нь өмнөх жилүүдийнхээс гурав дахин их хэмжээний вакциныг зорилтот бүлгийнхэн буюу бага насны хүүхэд, жирэмсэн эхчүүд, архаг өвчтэй иргэд болон өндөр настнуудад хийж байна. Мөн вакцин хийлгэх хүсэлт тавьсан байгууллага, хамт олон, иргэдийн тоо нэмэгдсээр байгаа аж.

55000 гаруй хүн томуугийн вакцин хийлгэх хүсэлт гаргасан. Эхлээд бид зорилтот бүлгийн хүмүүстээ дархлаажуулалт хийнэ. Засгийн газар дахин 100 мянган хүн тун томуугийн вакцин авахаар захиалжээ. Улс орнуудад томуугийн вакцины хүртээмж дутагдалтай байна.

Томуугийн дархлаажуулалтын талаар ХӨСҮТ-ийн Дархлаажуулалтын албаны дарга О.Дашпагам  мэдээлэл хийж байна.
Тэрбээр, Аравдугаар сарын 20-ны мэдээгээр улсын хэмжээнд 398 мянган хүнийг томуугийн вакцин хамруулсан. Зорилтот бүлгийнхний 78.9 хувийг дархлаажуулсан. Томуугийн халдварт хамгийн  өртөмхий 6 сартайгаас есөн насны хүүхдийг эхний ээлжинд дархлаажуулалтад хамруулсан. Вакцины хүрэлцээ нэмэгдсэн тул Улаанбаатарт нэмж, 10-13 насны хүүхдийг дархлаажуулж эхэлээ. Аймгуудад 2-5 насныхны томуугийн дархлаажуулалтад хамруулж байна.