"Эрүүл мэндийн тусламж, үйлчилгээний чанар, аюулгүй байдлыг сайжруулах жил”-ийн хүрээнд ЭМЯ, ЭМХТ, ДЭМБ хамтран “ЭРҮҮЛ МЭНДИЙН ТУСЛАМЖ, ҮЙЛЧИЛГЭЭНИЙ ЧАНАР, АЮУЛГҮЙ БАЙДАЛ” сургалтыг улсын хэмжээнд зохион байгуулж байгаа бөгөөд өмнө нь Улаанбаатар хот болон Ховд аймагт зохиогдоод байсан билээ.

Энэ удаад уг сургалтыг Дундговь, Дорнод аймгуудад зохион байгуулж байна.

Сургалтаар эрүүл мэндийн тусламж, үйлчилгээ үзүүлдэг төр, хувийн хэвшлийн эрүүл мэндийн байгууллагын чанарын удирдлагын багийг чадвахжуулах зорилгоор чанарын удирдлагын бодлого, тогтолцоо, тусламж, үйлчилгээний болон үйлчлүүлэгчийн аюулгүй байдал, эрсдэл, тохиолдлын бүртгэл, хариу арга хэмжээ, халдварын сэргийлэлтийн талаар хичээлүүд заах юм.Тус сургалтад аймаг, сумын эрүүл мэндийн төв, өрхийн эрүүл мэндийн төв, хувийн хэвшлийн эрүүл мэндийн байгууллагын  эмнэлгийн удирдлага, чанарын албаны мэргэжилтнүүд оролцож байна.

Сургалт зохион байгуулахад туслалцаа үзүүлсэн Дундговь, Дорнод аймгийн ЭМГ,  удирдлага, хамт олонд ажлын амжилт хүсье