Соёлын бүтээлч сарын хүрээнд Мөнхөд үргэлжлэх хайр сэтгэл, түүний үнэ цэнийг үгээр бус хөгжим, бүжгийн төгс хослолоор илэрхийлэх сонгодог бүтээл “Сүнс” модерн балет тоглогдлоо.

Найруулагч Jerry Zucker-ийн "Ghost" киног сонгодог урлагаар тайзны бүтээл болгон үзэгчдэд хүргэх “Сүнс” модерн балетын хөгжмийн зохиолчоор Ц.Эрхэс ажилласан бол Э.Уянга, Б.Манахатан, Б.Мөнхнаран, Б.Марал, О.Олонбаяр нар найруулж, таван өөр өнгийг харууллаа. Харин балетын гол дүрийг УДБЭТ-ын гоцлол бүжигчин МУГЖ Б.Саруул, СТА Х.Галтулга, БНСУ-ын “Wise Ballet Company”-ийн гоцлооч А.Билгүүдэй нар амилууллаа гэж Соёл Урлагийн газраас мэдээллээ.