Таван давхраас унах гэж байсан охиныг аварсан хэрэг явдал Завхан аймагт гарчээ.

Тодруулбал, тус аймгийн Улиастай сумын Богдын гол баг 18 дугаар байрны таван давхрын цонхоор бага насны хүүхэд унах гээд байна гэсэн дуудлагыг арванхоёрдугаар сарын 26-ны өдрийн 16.14 цагт хүлээн авсан.  

Дуудлага хүлээн авсан тус аймгийн Онцгой байдлын газрын аврагчид хоёр минутын дараа очин тус байрын 35 тоотод оршин суугч дөрвөн настай эмэгтэй Д-г унах гэж байсныг эсэн мэнд буулгаж тус аймгийн Цагдаагийн газрын жижүүрийн бүрэлдэхүүнд шилжүүлэн өгсөн байна.