Ховд аймагт халдварын нэг тохиолдол бүртгэгдсэний дараа сумд хоорондын хөдөлгөөнийг хязгаарлахаар болжээ. Тус аймгийн Жаргалант болон бусад сумдаас гарах, орох нийтийн болон хувийн тээврийн хэрэгсэл, иргэдийн хөдөлгөөнийг 2021 оны гуравдугаар сарын 29-ний өдрийн 22 цагаас эхлэн тодорхойгүй хугацаагаар хязгаарлах захирамжийг аймгийн Засаг дарга Б.Дүгэржав гаргажээ. 

 

Улмаар тус аймгийн төв, сумдын сургууль, цэцэрлэг, бар, ресторан, караоке, зах, худалдааны төвүүдийн үйл ажиллагааг 29-ний 22 цагаас дөрөвдүгээр сарын 2-ны өдрийн 00 цаг хүртэл хязгаарлалаа.

 

Мөн нийт төрийн албан хаагчдын 15 хувийг ажлын байранд ажиллуулахаар болжээ.