“Эрдэнэс таван толгой” ХК-ийн гүйцэтгэх захирал асан Б.Ганхуяг болон УИХ-ын гишүүн асан Т.Аюурсайхан нарт холбогдох хэргийг прокуророос шүүхэд шилжүүлээд байгаа.

Шүүх хуралдааныг 11 дүгээр сарын 13-ны өдрийн 11.30 цагт товлон зарласан боловч зарим шүүгдэгчийн өмгөөлөгчийн зүгээс “...эрүүл мэндийн шалтгаантай байх тул шүүх хуралдааныг хойшлуулж өгнө үү...” гэх, мөн өмгөөлөгч Л.Очбаяр “...Бээжин хот руу томилолтоор ажиллахаар явсан тул шүүх хуралдааныг хойшлуулж өгнө үү...” гэх хүсэлт гаргасан.

Шүүх хүсэлтийг хүлээн авч шүүх хуралдааныг өнөөдөр буюу 12 дугаар сарын 13-ны өдрийн 10.00 цаг хүртэл хойшлуулсан юм. Товын дагуу өнөөдөр шүүх хурал болно.