Хилээр хар тамхи нэвтрүүлэхийг завджээ. Тодруулбал амны хаалтны завсар хар тамхи хийж оруулах гэж байжээ.Цаг тахалтай холбоотой эм эмнэлгийн хэрэгсэл, тэр дундаа амны хаалтыг аль болох шуурхай хилээр нэвтрүүлж байгаа билээ. Монгол Улсын иргэншилтэй Б гэх этгээд Гашуун Сухайт боомтоор мансууруулах эм сэтгэцэд нөлөөлөх бодис хууль бусаар нэвтрүүлэх гэж байгаад үйлдэл дээрээ баригдсан байна. Хууль хяналтынхан, хилийн шалган хяналтын ажилтнууд шуурхай ажиллаж ийнхүү хэргийг илрүүллээ. Завдсан гэсэн үндэслэлээр тухайн иргэнийг Эрүүгийн хуулийн тусгай ангийн зүйл заалтаар хуулийн шийтгэл ноогдуулах нь тодорхой болжээ.